Wanafunzi Marekani wenye asili ya Afrika na Latini waendelea kubaguliwa mno katika shule.

Matokeo ya ripoti mpya ya uchunguzi yanaonyesha ongezeko la hali ya juu la umasikini na ubaguzi dhidi ya wanafunzi wenye asili ya Kiafrika na malatino, katika shule za Marekani.

Shirika la Habari la Associated Press limetangaza kuwa, matokeo ya ripoti hiyo iliyosambazwa Alkhamisi ya jana na 'Kamisheni ya Sheria za Kiraia nchini Marekani' yanaonyesha kwamba, wanafunzi wanaotoka familia za kipato cha chini za Wamarekani weusi na malatino kwa kawaida wanasoma katika mazingira magumu sana ndani ya shule za nchi hiyo.

Kwa mujibu wa ripoti hiyo, wanafunzi weusi na wale wa malatino wanalazimika hata kutumia vitabu vya zamani huku walimu nao wakijizuia kuwapa umuhimu wowote. 

Katika ripoti hiyo imeelezwa kwamba, kukosekana usawa huko kumewafanya mamilioni ya wanafunzi wanaosoma katika shule za serikali kusoma katika hali ngumu na kunyimwa haki, suala ambalo linawafanya aghlabu yao kuwa na vinyongo.

 chanzo:parstoday.