Wananchi wametakiwa kupunguza uharibifu wa mazingira ambao
umesababisha kuongezeka kuwepo kwa athari zinazotokana na mabadiliko ya
hali ya hewa na kupelekea kilimo na mazao kuathirika zaidi.
Akizungumza katika Mafunzo ya asasi za kiraia juu ya kukabiliana na
mabadiliko ya tabianchi,
Mratibu wa Jumuiya ya ZACCA Soud Mohammed Juma
amesema kutokana na utafiti uliofanywa imeonekena maeneo mengi ya
Zanzibar yameathiriwa na mabadiliko ya hali ya hewa hasa katika
maeneo ya kilimo kwa kuvamiwa na maji ya bahari, maji ya visima kugeuka
ya chumvi pamoja na kuongezeka kwa gesi joto.
Nao washiriki wa mafunzo hayo wamesema kutokana na hali hiyo basi ipo
haja kwa serikali kwa kushirikiana na asasi za kiraia kudhibiti
mabadiliko hayo kwa kuchukua hatua za haraka kwani elimu tayari
imeshatolewa lakini bado jamiii haijawa tayari kushirikiana na kuendelea
kufanya vitendo vya uharibifu wa mazingira.
Kwaupande wake Mkuu wa Mkoa wa Mjini Magharibi Ayoub Mohammed Mahmoud
amesema Serikali tayari imetilia mkazo kwa kuchukua hatua za haraka
kudhibiti kwa njia ya kuhifadhi misitu pamoja na kuotesha vioto vya
asili na elimu zinatolewa ili kupunguza mabadiliko hayo.
chanzo:Zanzibar24
Comments